Komuna e Vitisë mbajti takimin buxhetor në fshatin Letnicë

Viti – Të martën komuna e Vitisë, ka mbajtur dëgjimin buxhetor me banorët e fshatit Letnicë. Në fillim të këtij takimi zv.kryetari i komunës së Vitisë, Hasan Aliu dhe drejtoresha për Ekonomi, Financa dhe Zhvillim, Milihate Ajeti kanë prezantuar draft buxhetin komunal 2026-2028 dhe kanë folur për rëndësinë e takimeve që janë duke zhvilluar komuna e Vitisë për planifkimn e buxhetit komunal.

Një fjalë rasti e mbajti edhe kryetari i fshatit Letnicë, Shin Gjoni. Në pjesën e dytë të këtij takimi banorët parashtruan kërkesat, sugjerimet dhe vërejtjet e tyre. Ndër to banorët parashtruan këto kërkesa:

• Rregullimi i ËC-ve publike
• Ndërtimi i trotuarit
• Pastrimi dhe sistemimi i lumit
• Asfaltimi i rrugicave të mbetura
• Shtimi i kapaciteteve të marrjes së mbeturinave gjatë sezonës, konkretisht në muajin gusht.
• Ndarje të barabartë të buxhetit
• Të rregullohet rruga “Uka”
• Të rregullohet përroska që të parandalohen dëmet në rast vërshimeve
• Të vendoset ndriçimi publik në lagjet e mbetura, në veçanti në rrugët: “Don Tuna Glasovic,” “Mulliri”dhe “Ukaj” dhe “Leopardi”
• Te kthehet arkiva e shkollës se Letnicës.
• Në ambulant te ketë doktor dhe infermier.
• Rrjeti i ujësjellësit te largohet nga prona private pasi qe gjatë plasaritjeve po dëmtohen pronat private.
• Te sigurohen objektet e vjetra me qellim te eliminimit te rrezikut.
• Te vendoset busti i Nënës Terezë në sheshin e fshatit.
• Të merren parasysh kërkesat e Këshillit të fshatit
  Ndërkaq me shkrim u dorëzuan këto kërkesa:
• Asfaltimi i të gjitha rrugëve nëpër lagje të fshatit.
• Asfaltimi i rrugës deri tek varrezat e fshatit
• Zgjerimi dhe rrethimi, si dhe rregullimi i pronës së varrezave.
• Rregullimi i lumit.
• Rregullimi i kaptazhit të ujit dhe vendosja e një filtri.
• Rregullimi i kanalizimit të fshatit.
• Rregullimi i trotuarit nga Gërçari deri në Letnicë.
• Rrethimi i oborrit të shkollës.
• Rregullimi i sheshit të Letnicës.
• Mirëmbajtja dhe shtimi i ndriçimit publik.