Komuna e Vitisë i ofron bashkëpunim FSK-së

Viti – Komunën e Vitisë, e ka vizituar sot Major Berat Shala, Komandanti i Batalionit të Parë të Brigadës së Reagimit të Shpejt në Gjilan, nga Forcës së Sigurisë së Kosovës. Me këtë rast ai është pritur në takim nga zv. Kryetari i Komunës së Vitisë, Hasan Aliu, kryesuesi i Kuvendit Komunal, Naim Pira, Drejtori i DKA-së, Qahil Sinani si dhe drejtori i DSHPE-së, Nexhmedin Jakupi.

Bëhet me dije se gjatë këtij takimi është bashkëbiseduar rreth mundësisë së bashkëpunimit të FSK-së me Komunën e Vitisë, përkatësisht me drejtorinë Komunale të Arsimit por edhe me Drejtorinë për Shërbime Publike dhe Emergjencë.

Zv. Kryetari Aliu ndër tjerash tha se kjo komunë është e gatshme të bashkëpunoj me Forcën e Sigurisë së Kosovës pasi që sipas tij ky bashkëpunim është në të mirën e të gjithë qytetarëve.

Në këtë takim ka marrë pjesë edhe Komandanti i Stacionit Policor në Viti, Agim Lipovica./rajonipress/