Komuna e Vitisë e interesuar të vazhdoj t’i ndihmoj fermerët qumështor

Viti – Kryetari i Komunës së Vitisë, Sokol Haliti i shoqëruar nga Drejtori për Bujqësi, Pylltari dhe Zhvillim Rural, Veton Ademi kanë vizituar sot pikën grumbulluese të qumështit në Viti. Me këtë rast ata u njohën me punën e fermerëve të vitias.

Haliti dhe Ademi ju premtuan fermerëve të cilët merren me kultivimin e lopëve qumështore se Komuna e Vitisë është duke i shikuar të gjitha mundësitë që ata të pajisën me makinë për mjeljen e lopëve. “Me të vërtetë jemi të interesuar që të ndihmojmë sektorin e bujqësisë në veçanti edhe fermerët të cilët kultivojnë lopët qumështore, për këtë jemi duke i shikuar të gjithë mundësitë financiare që bujqit e komunës sonë të cilët janë më të vërtetë punëtorë të denjë të furnizohen me makina për mbjelljen e lopëve” u shpreh Haliti.

Për ndryshe Haliti dhe Ademi i inkurajuan fermerët që të vazhdojnë me veprimtarinë e tyre sepse sipas atyre në këtë mënyrë ata kontribuojnë në zhvillimin e komunës por edhe zbutjen e papunësisë duke theksuar se në këtë drejtim ata do të kenë përkrah Institucionet Komunale të Vitisë./rajonipress/