Komuna e Vitisë dhe GIZ nënshkruan një marrëveshje bashkëpunimi për menaxhim të mbeturinave

Viti – Është nënshkruar marrëveshje mirëkuptimi në mes të kryetarit të komunës së Vitisë dhe përfaqësuesve të Shoqërisë Gjermane për Bashkëpunim Ndërkombëtar GIZ. Qëllimi i kësaj marrëveshjeje është që të sigurohet bashkëpunimi i dakorduar dhe i ngushtë midis palëve nënshkruese.

Kjo marrëveshje parasheh bashkëpunim në fushat e planifikimit të menaxhimit të mbeturinave të ngurta, që përfshinë hartimin e Planit Komunal të Menaxhimit të Mbeturinave, hartimin e rregullores komunale për menaxhim të mbeturinave, krijimin e një sistemi për mbledhjen e mbeturinave të ndërtimit dhe rrënimit dhe fraksioneve të mbeturinave për tu ndarë.

Gjithashtu, parasheh reforma institucionale dhe administrative, që përfshijnë modelin e operatorit, krijimin e një njësie/emërimin e një zyrtari për menaxhim të mbeturinave dhe përforcimin e inspektoratit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).