Komuna e Nazelisë viziton kompaninë “RC Cola”

Gjilan – Pronari i Kompanisë “RC Cola”, Fejzullah Mustafa ka pritur për një vizitë delegacionin e komunës së Nazelisë të udhëhequr nga Haluk Aliçik dhe nënprefekti Mehmet Okur.

Delegacioni i Komunës së Nazelisë i udhëhequr nga Haluk Aliçik dhe i shoqëruar edhe nga Qemajl Mustafa kanë vizituar Kompaninë e pijeve të gazuara dh lëngjeve RC Cola që ndodhet në Velekincë të Gjilanit.

Pronari i kësaj kompanie Fejzullah Mustafa i ka njoftuar delegacionin turk për kapacitetet e prodhimit dhe për angazhimin e 130 punëtorëve në këtë kompani profitabile. Mustafa tha se “RC Cola” tashmë ka një treg stabil në shtetet e Bashkimit Evropian duke përfshirë Zvicrën, Austrinë, Suedinë, Norvegjinë, Gjermanin dhe së fundit edhe Anglinë.

Fejzullah Mustafa tha se e ka tregun e siguruar në Kosovë, Maqedoni, Serbi , Mal të Zi dhe Shqipëri. Kompania është e pajisur me të gjitha standardet e përcaktuara nga Bashkimi Evropian tha ai.

Kurse Haluk Aliçik është interesuar për vijat e prodhimit dhe plasmanin në tregun e huaj, derisa ka shprehur interesimin e tij për të pasur mundësi që ky prodhim të plasohet dhe në Turqi.

Kreu i Komunës Qemajl Mustafa e ka lavdëruar Fejzullah Mustafën si një biznesmen që me sukses i kryen të gjitha obligimet ndaj shtetit dhe komunës./rajonipress/