Komuna e Kamenicës pjesë e konferencës së Javës së Gruas

Kamenicë – Kryetari i Komunës së Kamenicës, Kadri Rahimaj, së bashku me Koordinatoren e NJKDNJ-së Nazmije Demolli Kastrati morën pjesë në konferencën: Java e Gruas e cila është një ngjarje vjetore mbarëkombëtare, që mbledh në një mjedis ndëretnik më shumë se 120 gra dhe burra nga partitë politike, shoqëria civile, biznesi, media dhe akademia, me qëllim të zgjerimit dhe forcimit të kapaciteteve të grave udhëheqëse dhe mbështetjes së tyre për të marrë pozicione të larta drejtuese.

Kryetari i Komunës së Kamenicës Kadri Rahimaj është paraqitur në fuqizimin e diskutimeve në panelin e fokusuar në “Qytetet e qëllimshme gjinore: Alternativat gjithëpërfshirëse për zhvillim komunal”, prezantoj para të pranishmëve praktikat e mira të komunës së Kamenicës si komunë ndëretnike, e cila u cilësua edhe nga të pranishmit si shembull i bashkëjetesës dhe tolerancës ndëretnike në Kosovë./rajonipress/