Komuna e Kamenicës ka realizuar rreth 71% të rekomandimeve të auditorit të jashtëm

Kamenicë – Komuna e Kamenicës ka realizuar rreth 71% të rekomandimeve të auditorit të jashtëm, super-rezultat në raport me Komunat e tjera që kanë përmbushje prej rreth 40% ka shkruar Qëndron Kastrati. Ç`ka thuhet në raportin e zyrës kombëtare të auditimit.

Në raportin e zyrës kombëtare të auditimit thuhet:”Në nivel të përgjithshëm, komunat kanë realizuar rreth 40 përqind të rekomandimeve ndërsa komuna e Kamenicës ka realizuar rreth 55 përqind të rekomandimeve. Por nëse i largojmë rekomandimet e mbyllura, i bie që komuna e Kamenicës ka realizuar rreth 71 përqind të rekomandimeve, që është nivel shumë i lartë i zbatimit të rekomandimeve, nëse e krahasojmë me nivelin komunave tjera. Komuna e Kamenicës qëndron shumë mirë me zbatim të rekomandimeve” thuhet në raportin e Astrit Bllacës udhëheqës i departamentit të auditimit në komuna.

E ky vlerësim e trimëroi kreun e Kamenicës Qëndron Kastrati i cili në rrjetet sociale shkroi:”Komuna e Kamenicës ka realizuar rreth 71% të rekomandimeve të auditorit të jashtëm, super-rezultat në raport me Komunat e tjera që kanë përmbushje prej rreth 40%”./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).