Komuna e Kamenicës e gatshme të ofrojë ndihmë për qytetarët

Kamenicë – Sipas zyrtarëve të komunës së Kamenicës parashikohet përkeqësim i motit, derisa komuna është e gatshme të ofroj ndihmë për qytetarët.

Instituti Hidrometeorologjik i Kosovës ka parashikuar që nga sot pasdite do të ketë ndryshim të motit dhe rënie të temperaturave të përcjellura me reshje.

Komuna e Kamenicës ka të kontraktuar kompaninë për mirëmbajtjen e rrugëve urbane e rurale, e cila do të jetë në terren me të gjitha kapacitetet e saj që të kujdeset që rrugët të pastrohen dhe të jenë të kalueshme, në rast të reshjeve të borës si dhe nga ngricat që pritet të vijnë si pasojë e temperaturave të ulëta.

Drejtoria e Shërbimeve Publike, Ambient dhe Inspektorat si dhe Drejtoria për Mbrojtje dhe Shpëtim janë të gatshme të ofrojnë kapacitetet e tyre për ndihmë qytetarëve në rast të reshjeve./rajonipress/