Komuna e Gjilanit shpërndan gjashtë gjedhe të racës simental për fermerët, donacion i shkollës së agrobiznesit

Gjilan – Drejtoria e Bujqësisë në Gjilan ka shpërndarë sot gjashtë gjedhe të racës simental për gjashtë fermerë, të cilat janë donacion nga shkolla e agrobiznesit “Arbëria”.

Leonora Morina Bunjaku, ka uruar fermerët përfitues, ndërkaq ka thënë se bujqësia është çelësi për zhvillim ekonomik të vendit, duke shtuar se së
shpejti do të hapet zyra për t’ua lehtësuar aplikimin për subvencione fermerëve.

Kurse, drejtori i Bujqësisë në Gjilan, Bajram Isufi, ka bërë të ditur se Komisioni vlerësues ka përzgjedhur fermerët meritor për këto gjedhe, derisa ka njoftuar se do të vazhdohet edhe me subvencione të tjera për fermerët e Gjilanit./rajonipress/