Komuna e Gjilanit shpall sportistin e vitit futbollistin Mirlind Dakun për 2020/21

Kryetari i Komunës së Gjilanit, Lutfi Haziri ka ndarë mirënjohje për më të dalluarit për vitin qershor 2020- qershor 2021 në Kulturë, Rini dhe Sport.

I pari i Komunës së Gjilanit, Lutfi Haziri ka uruar të gjithë sportistët për rezultatet e arritura duke theksuar.
“Nuk ka moment më të mirë se për të ndarë mirënjohje për të arriturat në sport, kulturë e rini, në kuadër të shënimit të ditëve të bardha Gjilanit. Fal sukseseve të sportistëve, individuale e kolektive, Gjilani e ruan epitetin e kryeqytetit të sportit. Përpos punës së sportistëve të sotëm, ne nuk i harrojmë kurrë edhe ata që nuk janë në mesin tonë, por që kanë dhënë kontribut të jashtëzakonshëm në një kohë të pakohë, që të arrijmë këtu ku jemi. Urime e suksese më të dalluarve të vitit në sport, kulturë e rini”, ka thënë Haziri.

Komisioni i përzgjedhjeve të sportistëve ka konstatuar se këta sportist ishin më të mirët me rezultatet arritura.

Dhjetë sportistët më të dalluar të vitit 2020/2021 janë:
Leonit Abazi – fitues i titullit kampion me KF Prishtina
Ardian Limani – nënkampion me KF Drita
Arbnor Ramadani- fitues i Kupës së Kosovës me KF Llapi
Lorina Mehmeti, fituese e titullit kampion me KV Drita në konkurrencën e femrave
Ermal Maliqi – nënkampion i Kosovës dhe finalist i Kupës së Kosovës me KV Drita në konkurrencën e meshkujve
Qëndrim Demi – fitues i Kupës në igën e Prë dhe fitues i Play Off’it me KB Drita
Elhami Shabani, klubi i karatesë Empors, shpresë olimpike pjesëmarrës në kampionate të ndryshme në europian e botëror, në mesin e 64 garuesve ka zënë vendin e pestë, ndërsa në Poreq të Kroacisë është radhitur i shtati
Leutrim Rexhepi – Klubi i boksit Drita, kampion i Kosovës, fitues i medaljes së artë në turneun “Adem Jashari”
Fortesa Orana – Klubi i karatesë Agim Ramadani, shpresë olimpike nga komiteti Olimpik i Kosovës, e pesta është renditur në Kampionatin Europian, duke fituar pikë në lojërat olimpike Tokio 2020.
Linda Zeqiri – Klubi i pingpongut Drita, është shpallur pinpongistja më e mirë në nivel vendi, reprezentuese e Kosovës, pjesëmarrëse në Kampionatin Europian e Botëror
Mirlind Daku – Sportisti i Vitit – golashënuesi më i mirë në historinë e futbollit kosovar me 31 gola me KF Ballkanin dhe reprezentues i Kombëtares së Kosovës
Lorik Ilazi – Trajneri më i dalluar, fitues i titullit kampion me KV Drita në konkurrencën e femrave
Gjylketin Selimi – Punëtori sportiv, për kontributin e jashtëzakonshëm në inkuadrimin e KB Drita në Superlingë në konkurrencën e meshkujve
Shpëtim Murtezi – Gjyqtari më i mirë
Ndërkohë, për konktribut jetësor janë nderuar Ramadan Ahmeti, Sabri Dërmaku, Skënder Hoxha e Hajrush Krasniqi.
Më të dalluarit te shpresat janë përzgjedhur: Redon Ismajli, Dienit Isufi, Yll Ibrahimi, Erlis Xhemajli, Enis Xhemjli, Megi Bislimi,
Ariola Ajvazi, Agnesa Korqa, Osla Zymberi, Kaula Haziri, Endi Sopi e Donal Syla.
Për përfaqësim në arenën ndërkombëtare: Valmir Sylemjani e Riola Xhemaili.
Kreu i Gjilanit, Lutfi Haziri, mirënjohje post mortum ka ndarë për: Ymer Berisha, Maksut Maksuti, Ismet Bajrami, Shukri Sylejmani, Xhevat Shabani, Agim Ilazi, Taip Hajrullahu e Elmaz Bajrami./rajonipress/