Fundamenti

Komuna e Gjilanit në mënyrë drastike shkel të drejtat e njeriut?

/ 3 minuta lexim

Gjilan – Në një raport të OJQ “Anamorava” një pjesë e saj flet edhe për punën e drejtorisë së kadastrit dhe mos kompensimin e ish pronave të shfrytëzuara nga koha e okupimit. Kjo Drejtori që nga paslufta nuk është marrë fare me çështjen serioze financiare, për kompensimin e sipërfaqes tokësore prej 13 ha, e cila në kohën e okupimit është shtetëzuar për nevojat e ndërtimit të rrugës qarkore. Ky rast paraqet rast drastik të shkeljes të së drejtave të njeriut, uzurpimi i tokës. Kjo çështje kërkon një trajtim urgjent dhe në bashkëpunim me Ministrinë për Financa zgjidhje e drejtë thuhet në raport.

Duke folur për punën e Drejtorisë për Gjeodezi, Kadastër dhe pronë në raportin e OJQ “Anamorava” thuhet se aktiviteti njëvjeçar i Drejtorisë, Gjeodezi, Kadastër dhe Pronë, në raportin vjetor të punës së Kryetarit të komunës është përfshirë vetëm në një faqe (fq. 25-26), gjë që tregon se kjo është një hapësirë shumë e ngushtë për të pasqyruar angazhimin e këtij dikasteri të administratës komunale.

Sipas tabelës 1, lëndët e pranuara dhe të shqyrtuara, në krahasim me numrin e lëndëve të vitit 2014 dhe në vitin 2015, nr. i lëndëve të shqyrtuara vetëm për 618. Në tabelën 2: aktivitete tjera sipas detyrës zyrtare, në krahasim me vitin 2014, në vitin 2015, numri i lëndëve është shtuar 1000 lëndë. Efikasiteti në zgjidhjen e lëndëve në këtë drejtori është në nivel. Si në aktivitetet e drejtorive tjera edhe në aktivitetin e kësaj drejtorie fare nuk janë paraqitur mangësi të caktuara.

Uji Dea

Raporti saktëson se fare nuk trajtohen lëndët e uzurpimeve arbitrare në këtë raport. Është viti i dytë i kësaj pozite, por deri më tani, edhe pse është i pranishëm fenomeni negativ shumëvjeçar, që nga lufta, kjo Drejtori nuk i ka kushtuar rëndësi. Kjo çështje nuk është shqyrtuar as në komitetin për pronë e as në KPF, e në Kuvend edhe pse nga opozita ka pasur kërkesa të tilla.

Kjo Drejtori që nga paslufta nuk është marrë fare me çështjen serioze financiare, për kompensimin e sipërfaqes tokësore prej 13 ha, e cila në kohën e okupimit është shtetëzuar për nevojat e ndërtimit të rrugës qarkore.

Ky rast paraqet rast drastik të shkeljes të së drejtave të njeriut, uzurpimi i tokës. Kjo çështje kërkon një trajtim urgjent dhe në bashkëpunim me Ministrinë për Financa zgjidhje e drejtë. Megjithatë kjo është ndër drejtoritë e rralla që ka pasur plan vjetor të punës për vitin 2015. Por në raport nuk jepet vlerësimi se sa është realizuar thuhet pos tjerash në raport./rajonipress/