Komuna e Gjilanit blen pesë vetura për nevojat e drejtorive

Gjilan – Komuna e Gjilanit me kërkesën e drejtorive ka blerë 5 vetura dhe një xhip për nevojat e drejtorive komunale tha Ilaz Rashiti për rajonipress. Vlera e këtyre veturave arrin në 39500 euro derisa xhipi ka kushtuar 12 mijë euro.

Komuna e Gjilanit përmes një ankandi ka blerë pesë vetura Golf 4 dhe një xhip.Ilaz Rashiti shef i autoparkut tha për rajonipress se veturat janë të përdorura, por janë të ruajtura dhe do të shërbejnë për nevojat e drejtorive komunale.

Rashiti tha se vlera e veturave kap shifrën e 39500 eurove derisa xhipi 12 mijë euro. Komuna ka blerë këto vetura me kërkesën e drejtorive komunale si ajo e inspeksionit, kadastrit, bujqësisë, drejtoria e financave dhe ajo për punë dhe mirëqenie sociale.

Kurse xhipi pritet të përdoret për nevojat e zjarrfikësve. Rashiti tha se me blerjen e këtyre pesë veturave janë krijuar kushtet për punë më të mira dhe me të shpejta në teren. Veturat janë blerë nga kompania “Besa” e Ferizajit. /rajonipress/