Komuna e Artanës me raport pozitiv nga Auditori Gjeneral

Gjilan – Në mbledhjen e Kuvendit Komunal është diskutuar mbi Raportin e Auditimit për pasqyrat financiare të Komunës së Novobërdës për vitin e përfunduar më 31 dhjetor 2012.Bajrush Ymeri dhe Gani Mustafa e kanë vlerësuar pozitivisht raportin e auditorit dhe kanë thënë se do të bëjnë përpjekje që rekomandimet e dhëna të plotësohen.

Gjatë kësaj mbledhje me theks të veçantë është debatuar për raportin e auditimit gjeneral për vitin që e lamë pas(2012), ku drejtori i Buxhetit dhe Financave Gani Mustafa tha se me datë 25.06.2013 kemi pranuar Raportin e Auditorit të jashtëm, nga zyra e auditorit të përgjithshëm për vitin fiskal 2012.

“Në bazë të këtij raporti jemi në një gjendje më të mirë pasi që Zyra e Auditorit të Përgjithshëm (ZAP) për pasqyrat vjetore financiare të viti 2012, ka dhënë opinion të pa kualifikuar, me theks të veçantë që ende nuk kemi arritur t`i përmbushim dy vërejtje nga gjithsejtë katër të vitit të kaluar”.

Mustafa theksoj se nga momenti i pranimit të këtij raporti i njëjti është diskutuar në 4 takime si në këshill të drejtorëve dhe në disa takime të tjera. “Si rezultat i këtyre takimeve është hartuar edhe plani i veprimit për realizimin apo përmbushjen e të gjitha vërejtjeve në të ardhmen” tha Mustafa.

Sipas tij theks i veçantë është çështja e mungesës së filialës së Bankës për çka drejtori shprehi brengosje të madhe për plotësimin e këtij kriteri , ndërsa do të punohet në këtë drejtim që edhe kjo çështje të përmbushet me kohë.

Ndërsa Kryetari i Komunës Bajrush Ymeri theksoi se ne u kemi ofruar gjitha kushtet auditorëve që kanë kërkuar për ta zhvilluar punën e tyre gjatë auditimit dhe kanë qenë të lirë që të kërkojnë dokumentacione të cilat i kanë pasur në planin e tyre për auditim.

“Në krahasim me vitet e kaluara ky raport është edhe më i mirë që do të thotë jemi “të pa kualifikuar theks” dhe jemi në mesin e disa komunave që janë vlerësuar. Ne i kemi analizuar të gjitha rekomandimet e dhëna në raport, dhe në ditët në vijim do të vazhdojmë që të ndërmarrim hapat dhe aktivitetet e nevojshme për realizimin , plotësimin e rekomandimeve të dhëna në mënyrë që rekomandimet që janë dhënë nga zyra e auditorit të përgjithshëm të implementohen në tërësi dhe shpresojmë shumë se për vitin 2013 do të kemi një përformancë edhe më të mirë se këtë vit” ka thënë Ymeri./rajonipress/