Kompromisi: Zeka kryetar i PDK-së, Mustafa kandidatë për kryetar të Gjilanit

Gjilan – Në takimin që ka pasur një pjesë e kryesisë së PDK-së në Gjilan me Hashim Thaçin është arritur një lloj “kompromisi” që Izmi Zeka të mbetet kryetar i degës së PDK-së kurse Qemajl Mustafa të kandidohet për kryetar të Gjilanit. Thaçi sërish zbarkon të hënën në Gjilan.

Stërzgjatja e garës për kryetarë të degës së PDK-së ka gjasë t`i vije fundi të hënën, pasiqë një takim i Qemajl Mustafës me Hashim Thaçin e ka zbutur qëndrimin ose siç thonë zyrtarët brenda PDK-së e ka përafruar qëndrimin për të arritur një kompromis për ta caktuar më në fund kryetarin e degës së PDK-së.

Qemajl Mustafa tha për rajonipress se takimi i së hënës ku pritet të marrë pjesë edhe Hashim Thaçi do të jetë një kompromis koncensual dhe me rëndësi është ruajtja e unitetit të partisë dhe puna e përbashkët për fitoren e ardhshme.

Edhe pse Mustafa nuk e ka parapëlqyer komentimin rreth kompromisit burimet tona mësojnë se nga takimi që ka pasur Mustafa me Thaçin këtë të hënë është arritur kompromisi që Izmi Zeka të mbetet kryetar i degës së PDK-së kurse Qemajl Mustafa të mbetet kandidati i vetëm për kryetar të Gjilanit.

Megjithatë gjithçka mbetet të shihet në ora 17.00 ku pritet të marrë pjesë Hashim Thaçi i cili kishte propozuar Zenun Pajazitin për kryetar të PDK-së. /rajonipress/