Kompletohet kryesia e AAK-së në Gjilan

Gjilan – Dega e AAK-së në Gjilan, të shtunën mbajti zgjedhjet për përcaktimin e listës së anëtarëve përbërës të kryesisë së saj. Kryetari i degës së AAK-së në Gjilan, njëherësh edhe kryesuesi i Këshillit Drejtues Rexhep Kadriu, prezantoi para anëtarëve të këtij Këshilli, listën me emrat e propozuar për anëtarë të kryesisë së AAK Dega në Gjilan.

Sipas Kadriut, kjo listë prej 32 anëtarësh, është formuar duke u bazuar në tri shtylla kryesore në atë të ruajtjes së substancës së AAK-së, në përfaqësimin e profesionalizmit, në angazhimin e atyre qe kanë dhënë kontribut të veçantë gjatë luftës si dhe në vullnetin e dhënë nga aderimet e reja në AAK, për kontributin që do të japin.

Pas disa diskutimesh, Këshilli Drejtues votoi pro kësaj liste, duke miratuar kështu listën e anëtarëve të propozuar për kryesi, nga kryetari i degës Kadriu.

Ahmet Isufi, i cili ishte prezent në këto zgjedhje, i përshëndeti ato, duke thënë se kjo kryesi, e propozuar nga kryetari i Degës së AAK-së në Gjilan zotëri Kadriu dhe e miratuar nga Këshilli Drejtues, do të jetë pjesëmarrje në angazhimin e mëtejmë të AAK-së, duke u treguar të përgjegjshëm si kryesi, funksionale dhe aktive.

Ai, anëtarët e rinj të kryesisë së degës së AAK në Gjilan, i quajti ekip i angazhimeve dhe punës konkrete.

Në kryesinë e AAK-së në Gjilan janë këta emra : Selami Xhemajli – nënkryetar i parë, Ahmet Demiri – nënkryetarë, Fadil Gashi – nënkryetarë, Mevlyde Zejnullahu – nënkryetarë, Nijazi Miftari – nënkryetarë, Nazim Gagica – sekretar, Hamit Azemi – sekretar organizativ, dhe anëtarëte e kryesisë Sali Mustafa , Xhevat Demiri , Halil Shala, Sokol Haziri, Petrit Ajeti, Basri Zejnullahu, Ibish Ibishi, Ajtene Shahiqi , Sami Azemi, Drita Ismajli, Xhevat Bekteshi, Muhamet Kastrati, Mimoza Kadriu, Nazim Hajdari, Xhylie Hajdari, Agim Zuzaku, Fidan Shaqiri, Rita Berisha, Agim Shkodra , Adelina Berisha, Nezir Neziri, Labinot Hyseni , Allgjyle Miftari , Rashit Ymeri, Sevdije Syla./rajonipress/