“Kompleksi Gjilani” edhe këtë vit e ruan primatin, frekuentohet maksimalisht

Gjilan – “Kompleksi Gjilani” vazhdon të mbetet pika më frekuentuese për pushuesit kosovar e në veçanti për gjilanasit. Selver Xhelili pronar thotë se edhe këtë vit vazhdojnë ta ruajnë primatin e më të mirit në bregdetin shqiptar.

Ksamili është një vend që 70% e turistëve ka nga Gjilani që qëndrojnë në Gjilan dhe pjesa dërmuese në perëndim. Kështu thotë Selver Xhelili pronar i saj.

Sipas Xhelilit “Kompleksi Gjilani” është një ndër komplekset më të frekuentuara në bregdetin shqiptar. “Unë vërtet ndihem mirë me këtë fakt dhe nga zemra i falënderojë të gjithë pushuesit që kanë përzgjedhur ambientet tona, traditën tonë dhe kuzhinën tonë të pasur” thotë Xhelili.

Xhelili thotë se vet fakti që turistët kanë treguar një besim të madh ndaj Kompleksit Gjilani, kjo po na bënë edhe më të fort dhe më të organizuar. “Kemi forcuar dhe ngritur nivelin e disiplinës, pastërtinë, kemi avancuar në pjesën e stafit duke ofruar ushqime kosovare. Thjesht jemi një kompleks i përberë nga shumë hotele e restorante”.

Xhelili tha se tani po dëshmohet se “Kompleksi Gjilani” ka cilësi dhe pushimet e gjithë pushueseve janë të paharruara në ishullin Ksamil . “Ky kompleks tani ka linja të veta udhëtimi me komoditet evropian, ka të themeluar edhe agjensionin “Saranda Travel” me 4 pika qendrore në Kosovë dhe Shqipëri, ku kemi gjetur mbështetje të fuqishme në udhëtim. Dhe arsyeja e vetme është se kemi ofruar udhëtim të rehatshëm me autobus më komod” shprehet Xhelili./rajonipress/