Kompania ndërtimore e Muhamet Ajrullahut “AR – KATANA”, kontribuon me 33 mijë euro për ndërtimin e xhamisë në Zhegër

Gjilan – Ndërmarrja ndërtimore “AR – KATANA”, me pronar Muhammet Ajrullahu ka dhënë kontribut në vlerë të 33 mijë eurove për ndërtimin e xhamisë në Zhegër.

Në vendimin e kompanisë thuhet se sipas kërkesës së Nuhi Hajrullahut, Arben Nezirit, Mejdi Kadriut, Afrim Idrizit dhe Abedin Fazliut për dhënien e kontributit për ndërtimin e xhamisë, pronari Muhamet Ajrullahu në prezencën e Demush Ramadanit, Edon Ramadanit dhe Raphael Ajrullahut ka marrë vendim për dhënien e ndihmës financiare në vlerë prej 33 mije eurove.

Muhamet Ajrullahu tha se do të përkrah vazhdimisht projektet e mëdha ku përfitues është komuniteti shumicë. Ajrullahu tha se arsyeja pse ka vendosur të kontribuoj me 33 mijë euro lidhet me 33 reqatet. “Muaji i Ramazanit është muaji i solidaritetit dhe është sevap i madh me kontribuar për raste të tilla” tha ai.

Ndryshe, Muhamet Ajrullahu njihet edhe për donacionet tjera të shumta që ka dhënë në fushat humane./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).