Komiteti për Komunitete i mbështetë kërkesat e tri familjeve rome

Kamenicë – Në mbledhjen e komitetit për Komunitete janë shqyrtuar tri kërkesa të familjeve rome me gjendje të rëndë sociale dhe me mungesë të hapësirave për banim, të cilat kërkojnë troje për ngritjen e shtëpive të tyre.

Anëtarët e komitetit për komunitete i përkrahën kërkesat e tilla, por propozuan që këto kërkesa të procedohen në KPF dhe Kuvend.

Njëherit, u propozua të kërkohet ndihmë edhe nga ministria përkatëse dhe brenda një kohe të shkurtër të vizitohen këto familje nga kryesuesi i komitetit dhe të vërtetohet gjendja faktike.

Anëtarët e këtij komiteti kanë kërkuar që mbledhjet e këtij komiteti të mbahen para mbajtjes së kuvendit e jo si zakonisht pas tij. /rajonipress/