Komiteti i Gjilanit kundër COVID-19 mban takim me drejtorët e shkollave

Gjilan – Komiteti i Gjilanit për parandalimin e përhapjes së COVID-19, ka mbajtur sot takim me drejtorët e shkollave të Gjilanit, duke respektuar masat kundër virusit. Qëllimi i takimit, i cili është udhëhequr nga nënkryetari, Arbër Ismajli, ka qenë vlerësimi i procesit mësimor gjatë këtyre dy javëve, lidhur me respektimin e masave anti-COVID-19.

Ismajli, në emër të Komitetit, ka kërkuar mobilizim shtesë në mënyrë që të parandalohet përhapja e virusit corona, duke monitoruar në vazhdimësi nxënësit dhe mësimdhënësit lidhur me mbajtjen e maskave, mos grumbullimin, përkatësisht mbajtjen e distancës.

Në takim të Komitetit kanë marrë pjesë dhe kanë adresuar qëndrimet e tyre edhe Dr. Ajhane Sefiu, drejtoreshë e QRSHP’së në Gjilan, Ukshin Ismaili, drejtor Klinik në Spitalin e Përgjithshëm, Selami Xhemaili, drejtor për Shëndetësi dhe Mireqënie Sociale, Arbenita Hajdari, drejtoreshë e QKMF’së, sikurse edhe drejtori i Arsimit, Nazim Gagica./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).