Komisioni për financa mbikëqyrë zbatimin e ligjit në Kamenicë

Gjilan – Drejtori i Drejtorisë për Ekonomi, Buxhet dhe Financa Rabit Halili si dhe Zyrtari Kryesore i Financiar Naser Hashani, kanë pritur grupin punues të Komisionit për Buxhet dhe Financa dhe Komisionin për Mbikëqyrjen e Financave Publike , si dhe stafin mbështetës të Komisionit.

Kryetarja e Komisionit për Buxhet dhe financa Safete Hadergjonaj, anëtarët e grupit Sali Asllanaj, Latif Gashi, stafi mbështetës i komisionit, bazuar në Planin e Veprimit të Grupit Punues të Komisionit për Buxhet dhe Financa për mbikëqyrjen e zbatimit te LMFPP-së në këtë takim biseduan në lidhje me zbatimin e ligjit, problemet dhe vështirësitë në implementimin e dispozitave tij dhe nevojën për ndryshimet dhe plotësimet e ligjit.

Për këtë qellim, grupi punues ka hartuar disa pyetje konkrete që gjatë takimit janë parashtruar pyetje shtesë në kontekst të zbatimit të neneve të ligjit.
Kryesisht komisioni për buxhet e financa ka shtruar pyetje rreth Qarkores Buxhetore për Buxhetin e vitit 2013 nga Ministria e Financave? . A ka nxjerr Kamenica Qarkore Buxhetore të brendshme, brenda afateve kohore . A organizohen takime të veçanta nga ZKF-ja me secilin departament komunal për të shqyrtuar kërkesat buxhetore? .

Zyrtari kryesore i Financave Naser Hashani iu është përgjigjur pyetjeve shtesë rreth borxheve të trashëguara dhe borxheve në përgjithësi rreth furnitorëve, të hyrat vetanake në Komunën e Kamenicës etj./rajonipress/