Kombin kosovarë e ka krijuar Shqipëria

Nga Gani Sadiku – Nëse nuk ekziston kombi kosovarë, shtet i kujt do të ishte Kosova.? Meqenëse edhe pas 100 e ca vitesh së ekzistencës së shtetit shqiptarë, nuk arriti që t’i kthej trojet e pushtuara nga Serbia, shqiptarët e Kosovës të përballur me rrezikun e ekzistencës u detyruan t’i përvishen luftës për ta krijuar shtetin e tyre kosovarë që deshëm apo s’deshëm ne, ka sjellur krijimin e një identiteti të ri kombin kosovarë.

Krijimi i këtij shteti komb, nuk do me thënë se e largon apo e përçanë etninë shqiptare, me gjak me gjuhë e me kulturë, të njëjtë andej e këndej kufirit, por përkundrazi e mundëson ekzistencën e kosovarëve dhe Kosovës si shtet e identitet, që ka rendin simbolik e kushtetues të ndryshëm nga ai në Shqipëri. Kombi kosovarë, është i gatshëm të punojë e të ekzistojë pas tërë asaj sakrifice shekullore që e ka bërë dhe i cili u ka përballuar furtunave shekullore, të hordhive barbare sllavo-turke.

Shqiptarët e Kosovës deri sa fituan shtetësinë e tyre, luftuan nën flamurin e kombëtarë shqiptarë, i cili me plot të drejtë konsiderohej flamuri më i afërt edhe për shqiptarët e Kosovës, andaj kuptohet mishërimi i tyre me këtë flamur, dhe lidhja emocionale e tyre karshi hymnit e flamurit të Shqipërisë.

Shqiptarët e Kosovës, plot 100 vite e bënë argatin e Shqipërisë, me shpresën se ajo do të forcohet e do t’i bashkojë shqiptarët nën ombrellën e këtij flamuri dhe atij shteti. Mirëpo kur ata e panë se Shqipëria mori rreshtimin kah lindja, dhe u “pavarësua” nga e gjithë bota e edhe nga shqiptarët e Kosovës, këta të fundit u detyruan jo njëherë, t’i rrokin armët për ta fituar Republikën dhe shtetin e tyre të pavarur. Një shtet për të qenë i pavarur dhe i njohur ndërkombëtarisht, duhet pos rendit kushtetues, ta ketë edhe rendin simbolik që nuk është i njëjtë me asnjë shtet anëtarë i OKB-së. Zërat se kombi kosovarë, nuk ekziston, janë zëra të mekur, sepse këtë e dinë më së miri shqiptarët e Kosovës,. Kur dihet se Kombi është një bashkësi e njerëzve që është e aftë të ndërtojë shtet. Kjo do të thotë se kombi është pronar i shtetit.

Këta zëra janë, mohues së ekzistencës së shtetit të Kosovës, sepse nëse kosovarët nuk ekzistojnë si komb, si mundë të ekzistojë Kosova si shtet.? Shtet i kujt do të ishte?….

I pari i cili e kuptoi realitetin dhe që e kuptoi se një komb për të ekzistuar duhet të organizohet në shtet (si forma më e lartë e organizimit shoqërorë), ishte Ibrahim Rugova, që propozoi flamurin dhe hymnin e Kosovës, me një pamje shumë më domethënëse. I njohur si flamuri Dardan.! Dashuria për flamurin dhe hymnin e një shteti, shtohet e rritet, me krijimin e mirëqenies ekonomike. Si ilustrim mundë ta përmendim flamurin Zvicran dhe dashurinë e shqiptarëve ndaj tij, që shpjegohet si dashuri e lidhur më mirëqenien e tyre atje./rajonipress/