Kombëtarja Kosovës U19 e futbollit nuk ndalet grumbullohet në Hajvali

Kombëtarja e Kosovës U19 që nga sot ka filluar kampin disa ditor në Hajvali. Përzgjedhësi Ramiz Krasniqi do ti shikon nga afër formën e futbollistëve pasiqë në muajin tetor këtë Kombëtare e presin ndeshjet kualifikuese për Kampionatin Evropian.

“Është një grumbullim i paraparë me futbollist nga diaspora të cilët karrierën e tyre e zhvillojnë nëpër klube të ndryshme evropiane, disa na kanë ardhur disa jo shkaku është se disa klube nuk i kanë lejuar të vijnë e disa për shkaqe objektive, por për ti plotësuar këto zbrastesira jemi të detyruar ti ftojmë disa futbollist vendorë për ta kompletuar këtë grumbullim ku do të kemi edhe ndeshje miqësore”, shprehet Përzgjedhësi Krasniqi.

Krasniqi ka bërë të ditur se në tetor do të na pret një punë shumë e vështirë në ndeshjet kualifikuese për Kampionatin Evropian.
“Ne përpos që do t`i grumbullojmë futbollistët me kalendarin e FIFA-së dhe UEFA-së, ne këto grumbullime do ti shpeshtojmë pasiqë kualifikimet janë tejet të vështira dhe vetëm me këto grumbullime të futbollistëve ne mundemi të shohim nga afër potencialin që kanë futbollistët”.

Të pranishëm në grumbullimin e sotëm në Hajvali ishte prezent edhe kryetari i FFK-së, Agim Ademi dhe Përzgjedhësi i Kombëtares, Bernand Challandes.

Kombëtarja e Kosovës U19 bën pjesë në Grupin e 10 kualifikues së bashku me Gjeorgjinë, Uellsin e Norvegjinë./rajonipress/