Kombëtarja e Kosovës u-19 fillon ciklin e ri të garave për kualifikimin e Evropianit

Kombëtarja e Kosovës në futboll U-19 pas mësimit të kundërshtarëve për kualifikimet e Kampionatit Evropian “Malta 2023” e cila do të bëjë pjesë në Grupin 3 ku do të përballet me Suedin, Ukrainën e Qipron menjëherë përzgjedhësi i Kombëtares Ramiz Krasniqi që nga nesër në Kompleksin e futbollit në Hajvali do të grumbullon futbollistët për të filluar ciklin e përgatitjeve të futbollistëve.

“Është një grup i vështirë por nuk kemi kohë të qahemi ne që nga nesër do ti fillojmë grumbullimet tona me futbollist për tri ditë do ti përcjellim formën e kualitetin e tyre po fillojmë menjëherë për t`ju dhënë rastin të gjithë futbollistëve të tregojnë potencialin e tyre të gjithë futbollistët do të jenë 2004-2005 dhe gradualisht do t`i seleksionojmë më të mirët me stafin tim” ka bërë të ditur përzgjedhësi Krasniqi.

Krasniqi ka theksuar se viti i kaluar ishte një vit shumë i rëndë për shkak të pandemisë
,”Ishte një vit ku dominoi Pandemia nuk kishim mundësi për tu përgatitur ashtu siç duhet, por ishte edhe një hendikep pasi që grupmoshat U-19 aktivitetin e tyre nuk e zhvilluan përgjatë tërë vitit dhe kjo na ka vështirësuar mjaft punën”.

Kombëtarja e Kosovës U-19 për tri dit do të grumbullohet në kompleksin e futbollit në Hajvali ku do të zhvillohen dy ndeshje me F.Kosovën, e 2Korrikun ndërsa do të ketë edhe ushtrime tekniko taktike Ndeshjet e Grupit 3 do të zhvillohen në Suedi pas konsultimit ndërmjet federatave me 17-23 nëntor 2022.

Dy kombëtaret e renditura në pozitat e para të çdo grupi do të avancojnë në “Elite Round” ndërsa kombëtarja e tretë e cila do të tubon më së shumti pikë do t`ju bashkëngjitet grupeve tjera të cilat janë gjithsej 13 grupe.