Kombëtarja e Kosovës në boks përgatitet në Gjilan për Kampionatin Ballkanik

Boksierët më të mirë të Kosovës nga 12 shtatori për 10-12 ditë do të grumbullohen në qytetin e Gjilanit, për tu përgatitur para Kampionatit Ballkanik i cili do të mbahet nga 25 shtatori deri me 4 tetor në Albena të Bullgarisë.

Në grumbullimin e boksierëve do të jenë 10-12 boksierë, ku çdo ditë do të ushtrojnë nga dy herë në ditë për 12 ditë radhazi. Stërvitjet do të bëhen në Palestrën Sportive ‘Bashkim Selishta-Petriti’, dhe në shpatijet në fshatin Stanishor.

Ushtruesi i detyrës të Selektorit do të jetë trajneri i KB Drita, Musli Zymberi i cili është mjaft optimist në këtë grumbullim të boksierëve më të mirë të Kosovës.

“Është nder për qytetin e Gjilanit që boksierët më të mirë të shtetit të Kosovës do të jenë për 10-12 ditë në qytetin tone, njiherit do të jetë një promovim për shumë boksier të rinjë por edhe për qytetarët e Gjilanit që t`i kemi mysafirë këta boksierë, të cilët do të na përfaqësojnë në Kampionatin Ballkanik në Bullgari. Do të jenë 10 deri në 12 boksier të cilët do të stërvisin nga dy herë në ditë si në natyrë poashtu edhe në palestër, ku do të mundohemi të përgatitemi maksimalisht dhe së bashku me boksierët dhe me stafin tim do të japim gjithçka për të arritur rezultate në Kampionat Ballkanik, i cili konsiderohet shumë i fort me boksier të dëshmuar në arenat ndërkombëtare”, ka bërë të ditur ushtruesi i detyrës së Selektorit, Musli Zymberi./rajonipress/