Komandantët “ripushtojnë” QKUK-në

Gjashtë nga të akuzuarit e “Grupit të Drenicës” qëndrojnë jashtë paraburgimit, shkruan sot Koha Ditore.

Sami Lushtaku, Sylejman Selimi, Sahit Jashari, Sabit Lushtaku, Isni Thaçi dhe Ismet Haxha janë shtruar sërish në Qendrën Klinike Universitare.

Kanë të njëjtat ankesa shëndetësore me të cilat prej një viti arrijnë të qëndrojnë më shumë jashtë sesa në paraburgim.

Ata janë dërguar me vendim të gjyqtarit.

Vendimin ai e ka marrë në bazë të raporteve mjekësore. Prokuroria Speciale i ka shkruar QKUK-së duke i kërkuar raport të detajuar për pacientët e akuzuar për krime lufte. Gazeta ka mësuar se ata po dyshojnë se raportet mjekësore nuk janë të bazuara.