Kolona në kufirin Konçul – Dheu i Bardhë

Fundjavat me kolona janë kthyer në pikën kufitare mes Serbisë dhe Kosovës te Dheu i Bardhë.Qindra makina janë duke pritur në këtë pikë kufitare për të kaluar në territorin e Kosovës. Për shkak të procedurave kufitare që duhet të kalojnë dhe fluksit në rritje të makinave, në kolonë po pritet nga dy deri në tre orë.

Një numër i konsiderueshëm i automjeteve është me targa nga vendet perëndimore, mirëpo nuk mungojnë as makina me targa të Bujanocit dhe Vranjës.

Fundjavave të ardhshme pritet që numri i mërgimtarëve që kthehen për pushime në vendlindje të jetë edhe më i madh, që nënkupton edhe kolona dhe pritje edhe më të gjata se ditën e sotme./Titulli.com/