Kololli, një ndër lojtarët më të mirë për momentin në kampionatin zviceran

Formë fantastike në fushën e blertë zvicerane po vazhdon Benjamin Kololli, i cili tashmë është një ndër lojtarët më të mirë të momentin në kampionatin zviceran, transmeton albinfo.ch.

28-vjeçar shqiptar është mesfushor, i cili përfaqëson kombëtaren e Kosovës, ka dhënë asist në ndeshjen e fundit që Zyrich kishte në fushën e Xamax.

Sipas të dhënave, ai kishte shënuar katër gola në katër ndeshjet e fundit për ekipin e tij, duke qenë një nga lojtarët më në formë të momentit.

Sa i përket takimit Xamax dhe Zurich u ndalën në barazim 1-1, duke ndarë nga një pikë.

Duhet theksuar se Zurich momentalisht ndodhet në vendin e pestë në renditje, me 43 pikë.

28-vjeçari i lindur në Zvicër ka zhvilluar deri më tani 16 ndeshje për kombëtaren “Dardane”, ku ka shënuar 3 gola dhe ka dhënë një asist.

Të tri golat ai i ka shënuar në “UEFA Natios League” dhe ia ka shënuar Maltës.

2 gola në fitoren 3-1 në stadiumin “Fadil Vokrri” dhe një gol në fitoren 5-0 si mysafin në Maltë.

Më herët ai është aktivizuar edhe te skuadra si Sion, Young Boys, Biel-Bienne, Lausanne apo edhe Le Mont, të gjitha këto skuadra janë ekipe zvicerane.

Kololli vlerësohet në merkato momentalisht 1.6 milion euro, teksa vlerën më të madhe e ka pasur në vitin 2019 me 2.75 milionë euro. /Albinfo.ch/

Kololli, një ndër lojtarët më të mirë për momentin në kampionatin zviceran

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).