Kololli i siguron fitoren Zurichut

Benjamin Kololli i ka siguruar tri pikë të arta Zurichut në Ligën e Evropës.

Mesfushori i Përfaqësueses së Kosovës ka qenë vendimtar për skuadrën e tij në sfidën ndaj AEK Laranca.

Zurichu arriti të fitonte me rezultat minimal 0-1 në udhëtim dhe golin e vetëm e shënoi Kololli.

Por një gjë e pazakontë i ka ndodhur futbollistit nga Kosova.

Kololli pas shënimit të golit u nis për ta festuar atë me tifozët e Zurichut.

Por festimi nuk i doli ashtu siç mendoi, pasi ai ra në një gropë të stadiumit.

Bashkëlojtarët e tij dhe tifozët u brengosën për anëtarin e Përfaqësueses së Kosovës, por megjithatë ai ka shpëtuar pa ndonjë lëndim.

Zurichu bënë pjesë në Grupin A të Ligës së Evropës së bashku me Bayer Leverkusenin, AEK Larancen dhe Ludogoretsin.

Në këtë takim për nga minuta e parë luajti edhe Hekuran Kryeziu ku shkëlqeu në mesfushë. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).