Kodi telefonik, suksesi më i madh i procesit të Brukselit

Eksperti i telekomunikacionit, Agron Dida, arritjen e marrëveshjes së kodit telefonik shtetëror të Kosovës e ka cilësuar si suksesin më të madh që Kosova ka arritur në bisedimet e Brukselit.

Në këtë intervistë dhënë për gazetën “Epoka e re”, ai ka thënë se me këtë marrëveshje Kosova krijon identitetin e saj shtetëror në fushën e telekomunikimeve, pasi do të njihet ndërkombëtarisht me kodin e saj unik shtetëror +383. Profesori universitar në këtë intervistë ka folur edhe për përfitimet ekonomike që do t’i ketë Kosova me këtë marrëveshje dhe për problemet e mundshme që mund t’i sjellë operatori serb.