Klubi i Reims e konfirmon: Zeneli e Berisha lirohen për dy ndeshje te Kosova
RajoniPress
20:09, 1 Shtator, 2020
Klubi i Reims i ka lejuar Arbër Zenelin dhe Valon Berishën që të luajnë në të dy ndeshjet e Kosovës në Ligën e Kombeve.
Kosova fillimisht luan me Moldavinë në Parma si mysafire, të enjten me 3 shtator, kur pritet të jetë pothuajse e kompletuar për këtë sfidë.
Bernard Challandes po ka problem për grumbullimin e lojtarëve për ndeshjen e dytë të Ligës së Kombeve kundër Greqisë në “Fadil Vokrri” që zhvillohet disa ditë më pas.
Lojtarët që luajnë në Zvicër dhe Gjermani nuk janë lejuar nga klubet që të vijnë në Prishtinë.
Por klubi francez Reims e ka konfirmuar se dyshja e tyre Arbër Zeneli dhe Valon Berisha do të jenë në grumbullim me Kosovën për të ndeshjet.
Një rikthim për Zenelin që mungon te Kosova tash e një kohë, shkaku i një lëndimi.
Dyshja luajë së bashku në Ligue 1, ku edhe kanë zhvilluar deri tani dy ndeshje. /Telegrafi/
