Klubet e karatesë nga qyteti i Gjilanit nderojnë prof, Idriz Musliun 6’th-dan

Gjilan – Tri klubet e karatesë së komunës së Gjilanit – KK Drita, KK AS e KK Agim Ramadani, së bashku kanë nderuar ish-karateistin e trajnerin e mirënjohur, prof Idriz Musliun 6’th –dan, me mirënjohje për kontributin e dhënë në sportin e karatesë.

Nën moton “Respekto trajnerin që të jesh i respektuar gjithmonë”, në një ambient madhështor, ku ishin të pranishëm shumë karateistë të cilët kishin zhvilluar aktivitetin e tyre para shumë kohësh nën drejtimin e trajnerit Idriz Musliut, me shumë emocione u evokuan kujtime të ndryshme ndër vite.

Është një gjest shembullor nga këto tri klube të karatesë, duke dëshmuar se vetëm së bashku mundemi të arrijmë në majet e larta.

Prof.Idriz Musliu tani e një kohë jeton në SHBA./rajonipress/