Klopp e ka një ‘porosi’ të madhe për Rashicën

Në mesin e shumë klubeve evropiane, edhe Liverpooli ka shprehur interesim për Milot Rashicën.

Futbollisti i Werder Bremenit pritet të largohet në verë nga klubi gjerman, shkruan Zëri.info.

Ndërkaq, ditë më parë ‘Bild’ raportoi se Jurgen Klopp, trajner i Liverpoolit, synon transferimin e vushtrriasit në ‘Anfield’.

Në një konferencë për shtyp, Klopp sot ka folur edhe për përforcimet e ardhshme të Liverpoolit.

Në mes të tjerash, strategu gjerman ka thënë se futbollistët që duan t’i bashkohen Liverpoolit, duhet të sfidojnë për një vend në formacionin titullar.

“Liverpoolit i duhen futbollistë që duan ta zënë vendin e tyre në formacion. Që duan ta bëjnë hapin e madh me ne dhe që duan të zhvillohen”, u shpreh Klopp./Zëri.info