Kllokoti nuk mund t`i përballojë shpenzimet e vërshimeve

Kllokot – Hasan Rashiti nënkryetar për komunitete në komunën e Kllokotit tha për rajonipress se rreth 200 hektar me patate dhe grurë janë atakuar nga vërshimet e ujit. Komuna nuk ka mundësi buxhetore që të ndihmojë fermerët andaj adresa e vetme që mund ta ndihmojë këtë sektor është Ministria e Bujqësisë tha Rashiti për rajonipress.

Si pasojë e mos hapjes së lumenjve, përkatësisht mos pastrimit të tyre, fshatrat e Kllokotit u përfshinë nga vërshimet dhe dëmet janë të konsiderueshme raporton rajonipress.

Kllokoti si komunë e re dhe me buxhet të kufizuar nuk e përballon koston e dëmeve shprehet për rajonipress Hasan Rashiti nënkryetar i komunës për komunitete.

Hasan Rashiti tha se Drejtoria për Bujqësi është e mobilizuar dhe ka formuar Komisionin i cili do vlerësoj dëmet e bëra nga vërshimet. “Këto ditë po lajmërohen fermerët dhe po japin shënimet për sipërfaqen e tokës që është prek nga vërshimet. Sipas një vlerësimi të përafërt janë diku 150 deri 200 ha tokë dhe kryesisht kulturat më të atakuara janë patatet dhe gruri” tha Rashiti.

Rashiti tha se meqë Buxheti i Komunës nuk ka një linjë buxhetore që parasheh këto intervenime ne do i marrim shënimet dhe do i drejtohemi Ministrisë së Bujqësisë që t`i dalim në ndihmë fermerëve.

Ndryshe si pasojë e daljes nga shtrati të disa përroskave si dhe të lumit “Morava”, janë vërshuar qindra hektarë të të mbjellave të bujqve të Mogillës dhe të Kllokotit./rajonipress/