Klerikët fetarë, universitetet e shqiptarëve!

Nga Gëzim Mekuli – Universitetet në Tiranë e Prishtinë nuk janë duke e kryer detyrën dhe misionin e tyre human e shkencor: Mësimdhënësit dhe intelektualët shqiptarë janë futur në kurthin e keq partiak. Në vend të tyre moralin, etikën, vlerat, të kuptuarit e botës dhe shkencën, tanimë, janë duke e kryer klerikët fetarë.Në Norvegji, ku janë ‘vetëm’ 15 universitete, klerikët fetarë nuk kanë mundësi ta grabisin rolin e mësimdhënësve universitarë.

Në Shqipëri janë 14 universitete publike e 37 private. Pra, janë gjithsejtë 53 universitete. Në Kosovë kemi gjithsejtë 33 universitete.

Të nderuar lexues,
Më lejoni ta bëjë një krahasim: Në Norvegji janë gjithsejte 7 universitete shtetërore, si dhe 8 shkolla të larta shkencore, të cilat në gjuhën angleze, kanë të drejtën të quhen vetëm si ‘specialized University Institution’.

Kosova me 1.9 milion banorë i ka 33 universitete. Shqipëria me 3 milionë banorë i ka 53 universitete. Pra, shqiptarët më të varfrit në Ballkan, me 4.9 milionë banorë i kanë 86 universitete bashkë, ndërsa norvegjezët më të pasurit në botë, me 5.2 banorë i kanë 15 universitete gjithsejtë.

Universitetet në Tiranë e Prishtinë nuk janë duke e kryer detyrën dhe misionin e tyre human e shkencor: Mësimdhënësit dhe intelektualët shqiptarë janë futur në kurthin e keq partiak. Në vend të tyre moralin, etikën, vlerat, të kuptuarit e botës dhe shkencën, tanimë, janë duke e kryer klerikët fetarë.
Në Norvegji, ku janë ‘vetëm’ 15 universitete, klerikët fetarë nuk kanë mundësi ta grabisin rolin e mësimdhënësve universitarë.

Pushtetet e Tiranës dhe të Prishtinës hapen universitete për të fituar vota. E qeveritë norvegjeze hapen universitete për ta përparuar shkencën, artin, kulturën dhe ekonominë kombëtare, e jo partinë, siç bëri Tirana dhe Prishtina. Në mungesë të universiteteve, shqiptarët do të vazhdojnë të mësojnë nga klerikët fetarë.
Shqiptarët nuk kanë shtet. Shteti është vetëm në televizion e në fotografi. Shqiptarë, a e dini se çfarë është shteti?