Klani ‘Pronto’ i përfshirë në ryshfete milionëshe, në dhënie licencash

Përfaqësues të opozitës dhe njohësve të kësaj fushe shprehen se që nga pavarësimi i vendit, më 2008, e deri më sot, në Kosovë është shumë e vështirë të merret licencë pune për kompanitë që konkurrojnë në fushën e sigurimeve.

Hoti: Dyshohet se oligarkët e lidhur me pushtetarët kanë hise në disa kompani të sigurimeve

Përfaqësues të opozitës dhe njohësve të kësaj fushe shprehen se që nga pavarësimi i vendit, më 2008, e deri më sot, në Kosovë është shumë e vështirë të merret licencë pune për kompanitë që konkurrojnë në fushën e sigurimeve. Sipas tyre, për të marrë një leje pune duhet që doemos të jesh pjesë e klanit “Pronto”.

Ata shprehen se kjo është edhe arsyeja kryesore se pse në BQK po delegohen njerëzit e politikës, të cilët pastaj në mënyrë të kontrolluar i shpërblejnë me licenca pune të kësaj fushe njerëzit e afërt me këtë klan, qoftë si familjar, por edhe si donator i tyre. Theksojnë se BQK-ja është e kapur nga politika dhe leje pune mund të marrin vetëm ato kompani që janë të afërta me pushtetin aktual. Ekspertët e ekonomisë thonë se janë në dijeni se ka pasur raste kur për një licencë pune në fushën e sigurimeve dhe bankave shumë bizneseve u janë kërkuar mitë dhe ryshfet, që shkojnë në shuma deri në 1 milion euro. Por, këto akuza i kanë mohuar zyrtarët e BQK-së, duke i cilësuar si të paargumentuara, shkruan gazeta Kosova Sot.

Ngarkesa të mëdha për qytetarët

Eksperti i ekonomisë, Ismajl Kastrati, ndryshe ish-kryetar i Odës Ekonomike të Kosovës, u shpreh për gazetën “Kosova Sot” se që nga themelimi i Bankës Qendrore të Kosovës funksionimi i saj ka qenë i kontrolluar nga politika. “Këtë kontroll fillimisht e ka zbatuar UNMIK-u (së bashku me autoritetet vendore), ndërkaq, pas pavarësimit, më 2008, kontrollin e kanë bërë strukturat politike të pushtetit”.

Ai u shpreh se për të ruajtur pozitat oligopoliste të bankave komerciale, që mbi 90 për qind janë me kapital të jashtëm, BQK-ja është ndikuar nga pushteti politik.”Këto politika kanë ndikuar që BQK-ja të jetë dorë-shtrënguese në lëshimin e licencave”. Kastrati tutje ka shtuar:”Ajo çka është edhe më keq, çdo licencë e lëshuar është shoqëruar me qindra-mijëra euro ryshfet. Ryshfeti sillej deri në një milion për një licencë, varësisht se a ka qenë në pyetje licencimi i bankave komerciale, apo kompanive të sigurimit”. Kastrati shprehet se edhe pse dëgjojmë lëvdata për sistemin e shëndetshëm të bankave komerciale, me politikat e tyre kredituese e kanë ngarkuar ekonominë, me periudhën grejs, kamata të larta, taksa të mëdha për shërbimet e kryera./kosova sot/