Klaiqi: Situata e sigurisë në Kamenicë është e qetë, mirëpo si sfidë kryesore mbetet ende situata në trafik dhe aksidentet

Kamenicë – Lidhur me fatkeqësitë natyrore, vërshimet, erërat e forta, bllokimi i kanaleve, Drejtori Kujtim Kallaba tha se komuna jonë është e rrezikuar në disa lokalitete si tek Përroi i Gollakut, Urat në Berivojcë, Ura e fundit në Topanicë.

Në këtë mbledhje të pranishëm ishin Kryetari i Komunës, Kadri Rahimaj, anëtarët KKSB-së, Komandanti i Policisë në Kamenicë, Florim Klaiqi, OJQ dhe të tjerë.

Komandanti i Policisë, Florim Klaiqi, tha se situata e sigurisë në Kamenicë është e qetë, mirëpo si sfidë kryesore mbetet ende situata në trafik dhe aksidentet.

Lidhur me fatkeqësitë natyrore, vërshimet, erërat e forta, bllokimi i kanaleve, Drejtori Kujtim Kallaba tha se komuna jonë është e rrezikuar në disa lokalitete si tek Përroi i Gollakut, Urat në Berivojcë, Ura e fundit në Topanicë.

Sa i përket mirëmbajtjes së hapësirave gjelbëruese, Shefi i Sektorit të Mbeturinave, Hysen Jerliu, tha se komuna i mirëmban në mënyrë intensive.

Sipas tij edhe lokalitetet e varrezave mirëmbahen kur bëhet kërkesa tek kjo drejtori dhe nëse ka mjete të mjaftueshme për mirëmbajtje.

Ai ndër të tjera ka thënë se sfidë mbetet hedhja e mbeturinave të ngurta./rajonipress/