KKSH: Respektoni festat e shqiptarëve në Serbi

Këshill Kombëtar Shqiptar (KKSH) me seli në Bujanoc kërkon respektimin e vendimit për festat e shqiptarëve në Serbi.

Kryetari i KKSH-së Galip Beqiri, njoftoi se ka shpallë vendimi e veçantë për festat e shqiptarëve të Luginës që punojnë me programin e Republikës së Serbisë gjatë mbledhjes që zhvilloi sot me drejtorët e shkollave fillore e të mesme.

Me këtë rast nga ky vit shkollor, sipas Beqirit institucionet në këtë vend duhet të respektojnë vendimin dhe gjatë festave të kësaj pakice nacionale të mos punohet, si për festën e 28 Nëntorit – Dita e flamurit dhe shpalljes së pavarësisë së Shqipërisë, 7 Marsin – Dita e Mësuesit, Ditën e parë të Bajramit të Madh, Ditën e parë të Kurban Bajramit dhe 3 Qershorin- Dita e themelimit të Këshillit Kombëtar Shqiptar, raporton Titulli.KKSH-2

Beqiri gjatë mbledhjes tha se të gjitha shkollat me mësim në gjuhën shqipe janë të obliguara që katër fetat e para të i fusin në planet vjetore të punës për vitin kalendarik 2013/14 ashtu që të shënohen si ditë feste dhe në atë mënyrë të zëvendësohen me ditë të shtune nëse bien në ditë pune.

Në mbledhjen e sotme u diskutua edhe rreth përgatitjeve për këtë vit shkollor si dhe mbajtjen e trajnimeve për mësimdhënës të shkollave fillore e të mesme për përdorimin e teksteve të lejuara.

Në njoftimin e KKSH thuhet se disa nga drejtuesit e shkollave dhe përfaqësues të komunës së Preshevës dhe Bujanocit nuk iu kanë përgjigjur ftesës për të marrë pjesë në mbledhje./Titulli.com/