Kjo është porosia e Thaçit në ditën e zgjedhjeve

Presidenti i Kosovës, Hashim Thaçi pas hapjes së vendvotimeve ka ftuar qytetarët që të dalin që të votojnë sa më shumë në zgjedhje, raporton Gazeta Express.

Thaçi ka shkruar që sot Kosova zgjedh legjislaturën e re, që do të nxjerrë qeverinë e re të Kosovës.

Kjo sipas presidentit duhet të përmirësojë jetën e qytetarëve dhe të përballet me sfidat që ka Kosova përpara.

:Sot Kosova zgjedh legjislaturën e re, që do të nxjerrë edhe qeverinë e re të Kosovës, e cila duhet të përmirësojë jetën e qytetarëve tanë dhe të përballet me sfidat që i kemi përpara. Prandaj, ftoj për një pjesëmarrje sa më të madhe, për një proces elektoral të drejtë, të lirë dhe fer. Kemi ndërtuar traditë të zgjedhjeve të mira dhe të pranuara nga të gjithë. Sot le të fitojë Kosova”, ka shkruar Thaçi në Facebook./Express/