Kjo është e ardhmja e Xhakës

Taulant Xhaka është shumë pranë skuadrës italiane, Fiorentina.Mesfushori i Kombëtares shqiptare dhe Basel-it, Taulant Xhaka pritet që gjatë ditës së sotme (e hënë) të arrijë marrëveshje me skuadrën italiane, Fiorentina.

Për mesfushorin, është thënë që ai dhe drejtuesit e Fiorentina-s kanë arritur marrëveshje, por agjentët e skuadrës italiane janë duke punuar që kjo marrëveshje të mbyllet edhe me drejtuesit e Basel-it.

E përditshmja italiane, Gazzetta Dello Sport ka raportuar se transferimi i lojtarit do të kryhet shumë shpejt dhe bëhet fjalë për një kontratë që do të zgjasë deri në vitin 2018.

Marrëdhënia e mirë mes Xhakës dhe ish-trajnerit të Basel-it, Souza, ka bërë që ky i fundit të kërkojë me ngulm shërbimet e shqiptarit në ekipin italian.