Kim Mehmeti: Protestat të vazhdojnë aty ku e kanë vendin, te sheshi qendror i Shkupit

Shkrimtari dhe publicisti Kim Mehmeti, thotë se protestat në Maqedoni duhet të vazhdojnë. Por ai thotë se duhet kërkuar paqësisht të drejtat. Ai thotë se protestat duhet të mbahen te sheshi qendror i Shkupit.

“Protestat duhet të vazhdojnë, ato duhet të jenë paqësore dhe zëri i arsyes së rinisë shqiptare. Në ndërkohë shihet qartë se policia maqedonase dëshiron ato protesta të mbahen në lagjen e ‘Bit-Pazarit’, aty ku dominojnë tregtarët shqiptarë, me qëllim që ata të dëmtohen më shumë nëse ndodh ndonjë ekses. Shkurt e shqip: këto protesta duhet të mbahen aty ku e kanë vendin – te sheshi qendror i Shkupit. Ngaqë kështu del se policia maqedonase ua përcjell këtë porosi shqiptarëve: mund të protestoni ku të doni, por vetëm nëse nuk i shqetësoni maqedonasit!”, tha Mehmeti për dialogplus.ch.