Kika rikthehet pas një viti në Ligën e Parë

Fshati Hogosht me gëzim ka pritur vendimin e FFK-së, për ndërprerjen e kampionatit të Ligës së Parë, Ligës së Dytë dhe të Tretë, për shkak pandemisë COVID-19.

Skuadra nga Hogoshti Kika edhe pse ka pasur ti zhvillon edhe 13 ndeshje ajo ishte e renditur në pozitën e Parë me 41 pikë, po aq sa kishte edhe skuadra A.N por kishte një gol më pozitiv se skuadra A.N.

Për trajnerin e Kikës, Shefket Sërmaxhaj, i cili edhe para fillimit të kampionatit kishte deklaruar se i vetmi qëllim i skuadrës së Kikës ishte rikthimi në Ligën e Parë dhe kjo u bë realitet.
“Gjatë tërë kampionatit ishim dukshëm më të mirë se të gjitha skuadrat tjera, si për nga loja një ashtu edhe për nga organizimi dhe shikueshmërinë që e kishim gjatë tërë kampionatit dhe për këtë jam shumë i lumtur e sidomos për tifozët “Luanët”, të cilët vazhdimisht ishin futbollisti i 12 në skuadër”, shprehet Sërmaxhaj.

Këtë sukses të madh të skuadrës nga Hogoshti, Sërmaxhaj, ja dedikon edhe kryetarit të klubit Naim Biqkaj dhe gjithë kryesisë së klubit.
“Kryetari Biqkaj me gjithë stafin udhëheqës kanë bërë punë të madhe me organizimin e klubit dhe ky sukses patjetër i dedikohet kryesisë e cila vazhdimisht pa asnjë hezitim na ka plotësuar të gjitha kërkesat të cilat ja u kemi parashtruar, rikthimi në Ligën e Parë për skuadrën e Kikës është edhe një obligim ma i madh në të ardhmen por me këtë kryesi që e ka skuadra ne do të jemi edhe më të fort në Ligën e Parë”, ka bërë të ditur trajneri i
Kikës, Shefket Sërmaxhaj./rajonipress/