“KIKA HILLS”, qendër rekreative që kap vlerën e gjashtë milion eurove

Kamenicë – Sot nënshkruam projektin më të madh turistik që nga paslufta “KIKA HILLS” që do të ketë vlerën mbi gjashtë milion euro, do të jetë një nga qendrat rekreative jo vetëm në regjionin tonë, por edhe në Kosovë e më gjerë ka shkruar Qëndron Kastrati.

Kjo është një nga projektet më atraktive e inovative të turizmit e cila do të gjenerojë edhe vende të reja të punës, e që më së paku do të ketë 70 të punësuar, ku kemi kërkuar që 30% prej tyre të jenë gra dhe 5% persona me nevoja të veçanta.

Për zhvillimin e një komune projekte të tilla janë më se të nevojshme, dhe për këtë falënderoj përfaqësuesin e “KIKA HILLS” Drilon Qehajen me bashkëpunëtorë, drejtoreshën për Zhvillim Ekonomik dhe Diasporë, Majlinda Krasniqin, komisionin dhe gjithë akterët për punën e palodhshme gjatë kësaj periudhe ka shkruar kreu i Kamenicës./rajonipress/