Kida vjen me “Inati & Taka”

Këngëtarja e njohur shqiptare, Kida, ka publikuar ditën e sotme (e enjte) projektin e ri muzikor.

“Inati & Taka” mban titullin kënga e re, që në thelb përmban dy projekte në një.

Orhidea Latifi (emri i vërtetë) vjen me klip tërësisht veror, ritmik, të përshtatur me sezonin.

Protagoniste në klip janë dy modelet e njohura shqiptare: Aneta Berisha dhe Sara Kolami.

Kida gjithashtu ka bërë një paraqitje të mahnitshme në videoklip, duke marrë vëmendje në secilën pjesë.

Foto: YouTube

Producimi u bë nga Deard Sylejmani me tekst dhe melodi të kompletuar nga Rron Kai, Kida dhe Liro.

Të plotë tashmë e gjeni në YouTube, teksa besohet se do të pritet mirë edhe nga publiku. /Telegrafi/