Gjilan – KH Zhegra falë kontributit të kryesisë së klubit, angazhimit të madhë të lojtarëve dhe ndihmës financiare të mërgimtarëve dhe ndihmës modeste të komunës është shpallur Kampion i Ligës së parë ku vlenë të theksohet se nga të gjitha ndeshjet e zhvilluara ka vetëm një barazim dhe asnjë humbje dhe kësisoj me meritë edicionin e ri të garave do të garojë ne Superligë ka thënë Bajram Isufi.
KH Zhegra ka filluar me mobilizimin e skuadrës dhe shumë shpejt do fillojë edhe me përgatitjet për edicionin e ri dhe njëherit ka rikthyer 3 hendbollistë të cilët do t’iu bashkohen ekipit dhe ata janë : Alban Haziri, Adonit Isufi dhe Gëzim Misini.
Lojtarët e KH Zhegrës kanë shfaqur optimizëm, vullnet dhe dëshirë të madhe që sa më shpejtë të fillojë kampionati ku me mund dhe angazhim pretendon të jetë në top 4 ekipet më të mira në edicionin e ardhshëm dhe pse jo të shpresohet edhe për gara ndërkombëtare.
Për t`i arritur këto objektiva dhe për t`i realizuar qëllimet e kryesisë dhe lojtarëve KH Zhegra ka nevojë për ndihmë financiare andaj ftojmë të gjithë sportdashësit, mërgimtarët dhe bizneset që t`i dalin në ndihmë KH Zhegres sa i përket mjeteve financiare pasi gjendja është e vështirë ku mund të na pamundësohet edhe zhvillimi i garave në mënyrë të rregulltë.
Shpresojmë që fillimisht situata me pandeminë COVID-19 të qetësohet dhe gjithçka të iu kthehet normalitetit ka thënë Bajram Isufi./rajonipress/
