KFOR-i “disiplinon” xhandarmërinë serbe

Gjilan – Shaip Surdulli ka thënë se pas vizitës së komandantit të KFOR-it, i cili ka biseduar me homologët serbë, që xhandarmëria mos të dal në rrugën e asfaltuar, nga ajo ditë nuk ka ndonjë informatë që xhandarmëria të ketë kaluar në brendi të territorit të Kosovës. Mendoj se xhandarmëria serbe pas kontaktit me KFOR-in është disiplinuar sepse më nuk kanë dalur në rrugën e asfaltuar, e që ishte kushti ynë si përfaqësues të institucioneve komunale ka thënë ai.

Kryetari i komunës së Kamenicës, Shaip Sursulli, të premten ka pritur Camille Marquette zyrtar i OSBE-së dhe zyrtarët e OSBE-së, në komunën e Kamenicës, Besnik Jakupi e Alban Maliqi.

Ekipi Komunal i OSBE-së , është interesuar rreth zhvillimeve të fundit në këtë komunë derisa ka marrë informacionet e para nga kreu i kësaj komune Shaip Surdulli.

Shaip Surdulli, tha se probleme nuk ka në komunën e Kamenicë përveç rastit të fundit që ndodhi në fshatin Karaçevë, ku popullata e atjeshme u provokuar rëndë nga xhandarmëria serbe.

Surdulli ka thënë se pas vizitës së komandantit të KFOR-it, i cili ka biseduar me homologët serbë, që xhandarmëria mos të dal në rrugën e asfaltuar, nga ajo ditë nuk ka ndonjë informatë që xhandarmëria të ketë kaluar në brendi të territorit të Kosovës.”Mendoj se xhandarmëria serbe pas kontaktit me KFOR-in është disiplinuar sepse më nuk kanë dalur në rrugën e asfaltuar, e që ishte kushti ynë si përfaqësues të institucioneve komunale.

Surdulli, tha se punët në administratë po ecin mbarë, derisa në sektorin e ofiqarisë është zgjatur orari i punës për dy orë, për shkak të fluksit të madh të qytetarëve të cilët kanë ardhur nga vendet perëndimore që dëshirojnë të pajisen me dokumentacione të nevojshme.

Ndërsa, Ekipi i OSBE-së tha se një ndër problemet është edhe çështja e Këshillit të Veprimit, Rinor, Lokal, i cili këshill nuk po mund të regjistrohet në nivelin qendror, pasiqë është edhe një KVRL tjetër me të njëjtin emër të Kryetares së KVRL-ës, Hamide Latifi.

Ata u interesuan edhe për komitete konsultative, koordinatorin për këshillat lokale dhe për KKSB-të. Kryetari Surdulli, falënderoj për vizitën dhe interesimin për komunën e Kamenicës./rajonipress/