KFOR-i amerikan interesohet për rrëshqitjen e dheut në lagjen “Çamëria”

Kamenicë – Përfaqësuesit e ekipës ndërlidhëse të monitorimit në kuadër të KFOR-it amerikan kanë takuar Faik Rexhepin nga drejtoria për mbrojtje e shpëtim nga i cili kanë marrë informacione rreth rrëshqitjes së dheut në lagjen “Çamëria” si dhe kanë biseduar edhe për çështjen e zjarreve në këtë komunë.

Drejtori i Drejtorisë për Mbrojtje dhe Shpëtim, Faik Rexhepi është takuar me përfaqësuesit LMT-së, (ekipa ndërlidhëse e monitorimit të KFOR-it, amerikan) me të cilët kanë biseduar për shumë çështje të rëndësishme që kishin të bëjnë me këtë drejtori.

Ndër tjerash është biseduar për çështjen e zjarreve në komunën e Kamenicës si dhe rreth organizimit të drejtorisë, dëmeve të shkaktuara nga vërshimet e vitit të kaluar dhe të këtij viti, për rrëshqitjen e dheut në lagjen “Çamëria”, ku disa shtëpi kishin qenë të rrezikuara.

Ekipi i LMT-së, së bashku me drejtorin Rexhepi kanë vizituar vendin se ku kishte ndodhur rrëshqitja e dheut, për t’i parë më për së afërmi pasojat./rajonipress/