KF Gjilani të enjten mban Kuvendin zgjedhor

Gjilan – Skuadra “bardh e kuq” e Gjilanit, nesër do të mbajë Kuvendin zgjedhor të saj pas tërheqjes së kryesisë së mëhershme duke hapur rrugë për të mirën e klubit.

Siç dihet kryetar i KF Gjilanit tani është Florim Zuka dhe në këtë kuvend do të nxirren vendime të rëndësishme për klubin, siç bënë të ditur faqja zyrtare ne facebook e tifo klubit “Skifterat” në këtë kuvend zgjedhor do të përzgjidhet riorganizimi i klubit, strukturat menagjuese dhe financuesit e klubit.

Siç theksohet në njoftimin e “Skifterave”, ky kuvend do të jetë i mbyllur ndërsa të drejtë pjesëmarrje do të kenë vetëm personat e ftuar./rajonipress/