Këto janë aktakuzat e ngritura nga Prokuroria e Gjilanit

Gjilan – Departamenti Përgjithshëm, ka ngritur katër (4) aktakuza, kundër pesë (5) personave për këto vepra penale: Dy (2) aktakuza kundër dy (2) personave për veprën penale “Vjedhja e shërbimeve”, Një (1) aktakuzë kundër dy (2) personave për veprën penale “Vjedhja” dhe Një (1) aktakuzë kundër një (1) personi për veprën penale “Pengim i personit zyrtar në kryerjen e detyrave zyrtare”.

Ndalimet e personave me urdhër të prokurorit:
Departamenti për Krime të Rënda, ka ndaluar një (1) person, me dyshimin se në komunën e Novobërdës, ka kryer veprat penale “Vrasje në tentativë” dhe “Mbajtja në pronësi, kontroll ose posedim të paautorizuar të armëve”, duke e goditur një herë me armë një person, i cili është detyruar të kërkonte ndihmë mjekësore fillimisht në Gjilan, pastaj në QKUK, në Prishtinë.

Kërkesat për caktimin e masës së paraburgimit (apo masa tjera):
Prokuroria Themelore në Gjilan, ka paraqitur dy (2) kërkesa për caktimin e masës së paraburgimit, ndaj dy (2) personave të dyshuar. Departamenti për Krime të Rënda, ka paraqitur një (1) kërkesë, ndaj një (1) personi të dyshuar, për veprën penale ‘’Vrasje në tentativë’’, ndërsa Departamenti Përgjithshëm, ka paraqitur një (1) kërkesë, ndaj një (1) personi, me dyshimin e veprës penale ‘’Pengim i personit zyrtar në kryerjen e detyrave zyrtare’’.

Aktakuzat:
Departamenti Përgjithshëm, ka ngritur katër (4) aktakuza, kundër pesë (5) personave për këto vepra penale:
Dy (2) aktakuza kundër dy (2) personave për veprën penale ‘’Vjedhja e shërbimeve’,
Një (1) aktakuzë kundër dy (2) personave për veprën penale ‘’Vjedhja’’ dhe
Një (1) aktakuzë kundër një (1) personi për veprën penale ‘’Pengim i personit zyrtar në kryerjen e detyrave zyrtare’’./rajonipress/