Këshilli komunal emergjent ndihmon familjet e zhvendosura

Viti – Këshilli komunal emergjent për përkujdesjen e familjeve të zhvendosura, që menaxhohet nga kryetari i komunës Sokol Haliti, ka vizituar në orët e pasdites këto familje dhe u ka dërguar ndihma në gjëra elementare të nevojshme.

Me këtë rast 9 familjeve që janë të evidentuara dhe të lajmëruara në këtë këshill, u janë shpërndarë ndihma në vaj, sheqer, kripë, miell e detergjent.

Po ashtu familjet e zhvendosura janë ndihmuar edhe nga Shoqata Humanitare Bamirëse Nëna Terezë nga niveli qendror përmes degës në Viti, në veshmbathje për anëtarët e këtyre familjeve.

Kryetari Haliti ka theksuar se do të jenë të angazhuar që në vazhdimësi ky këshill të jetë afër këtyre familjeve për t`i ndihmuar sipas nevojës dhe mundësive. /rajonipress/