Këshilli i Bashkësisë Islame në Gjilan shtron iftar për shoqatat me aftësi të kufizuar

Gjilan – Në vazhdën e aktiviteteve të Këshillit të Bashkësisë Islame në Gjilan për nderë të muajit të Ramazanit është shtruar iftar për Shoqatat me aftësi të kufizuar.

Ata ishin mysafirë të Këshillit të Bashkësisë Islame në Gjilan, në iftarin e shtruar enkas për ta. Kryetari i KBI-së, Naim Aliu falënderoi ata për përgjigje në ftesën e sofrës së iftarit i cili për Bashkësinë Islame është më i veçanti ngase këta njerëz edhe pse janë të privuar nga një begati vazhdojnë ta falënderojnë Allahun duke e agjëruar Ramazanin dhe duke e falënderuar për mirësitë e tjera të panumërta.

Bujar Kadriu falënderoi Bashkësinë Islame për iftarin e shtruar dhe gjithashtu edhe për ndihmat e kohëpaskohshme që i ofrohen kësaj kategorie të njerëzve.
Në këtë iftar morën pjesë edhe anëtarë të shoqatës Hendikos dega në Gjilan, Bajram Spahiu kryetar i shoqatës ndërkomunale të të verbërve, Bujar Kadriu anëtar i kuvendit të SHNV njëherit edhe Ud i Forumit Kosovar të aftësisë së kufizuar në nivel republikan./rajonipress/